Աբրահամ Գասպարյան

• Աբրահամ Գասպարյանը Genesis Armenia-ի հիմնադիր տնօրենն է, քաղաքական գիտությունների թեկնածու, դոցենտ։

• Ծնվել է Սիրիայի Հալեպ քաղաքում 1981 թ. մայիսի 10-ին: 

• Հաճախել է Ազգային Հայկազյան, ապա՝ Քարեն Եփփե Ազգային ճեմարանը: 

• 1999 թ. ուսումը շարունակելու և մշտական բնակություն հաստատելու նպատակով՝ հայրենադարձվել է: 

• 1999-2010 թթ. Սովորել և գերազանցությամբ ավարտել է ԵՊՀ Միջազգային հարաբերությունների Քաղաքագիտության բաժնի բակալավրիատը, մագիստրատուրան և ասպիրանտուրան: 

• ՀՀ ՊՆ Ազգային ռազմավարական հետազոտությունների ինստիտուտում պաշտպանել է թեկնածուական ատենախոսությունն ու ստացել Քաղաքական գիտությունների թեկնածուի գիտական աստիճան: 

• ԵՊՀ Քաղաքագիտության դոցենտ է, արևելագետ, հեռուստամեկնաբան, լրագրող: 

• Արմնյուզ հեռուստաընկերության Լրատվական-վերլուծական դեպարտամենտի ղեկավարն է, զբաղվում է գիտամանկավարժական գործունեությամբ, դասավանդում ՀՀ մի շարք բուհերում:

• Ունի տասնյակ գիտական հոդվածներ՝ հայկական և օտարալեզու մասնագիտական պարբերականներում, քաղաքագիտության և միջազգային հարաբերությունների ոլորտում մենագրությունների հեղինակ է, 2003 թ-ից աշխատում է հայաստանյան լրատվադաշտում:

• Աշխատել է հայաստանյան ու համահայկական մեդիադաշտի բոլոր՝ տպագիր, էլեկտրոնային, ռադիո և հեռուստատեսության ոլորտներում: Որպես փորձագետ՝ աշխատակցել է արտասահմանյան քաղաքագիտական տարբեր կենտրոնների: Ամուսնացած է, ունի երկու որդի: