ՄԱՐԴԿԱՅԻՆ ՌԵՍՈՒՐՍՆԵՐ

«Ջենեսիս Արմենիա» նախաձեռնության շրջանակում մեկնարկում է համահայկական մտավոր ռեսուրսի հավաքագրման գործընթացը։ Եթե՝

  • Ձեզ համարում եք հայ,

  • Ձեր տարիքը 22-ից 65 է,

  • Հայրենիքի ու ազգի հավերժականության գաղափարը համարում եք անքննելի,

  • Հայության և ՀՀ մտավոր, գիտական, տնտեսական ու մշակութային զարգացումը Ձեզ համար գոյաբանական առաջնահերթություն է,

  • Պատրաստ եք Ձեր մտավոր ներուժը ծառայեցնել ՀՀ ազգային ու պետական շահի իրագործմանը,

  • Պատրաստ եք մտավոր-կամավոր աշխատանք կատարել,

  • Պատրաստ եք երկար ու հոգնեցնող, բայց լուսավոր ճանապարհ  հարթել ու անցնել՝ մեր երեխաների Հայաստանի համար,

  • Ունեք բարձրագույն կրթություն,

  • Տիրապետում եք մասնագիտության կամ ունեք մասնագիտացում,

 

Ապա՝

Ուղարկե՛ք Ձեր ինքնակենսագրությունը join@genesisarmenia.org և/կամ ձեր առաջարկը info@genesisarmenia.org էլեկտրոնային հասցեին։ 

 

Հավաքագրված տվյալները համակարգչային հատուկ ծրագրերի օգնությամբ պահվելու են միանգամայն կոնֆիդենցիալ պայմաններում, չեն հրապարակվելու և չեն տրամադրվելու երրորդ կողմի: Այդ տվյալների հիման վրա ձևավորվելու է «ՋԱ»-ի կադրային շտեմարանը, որն էլ հանդիսանալու է նախաձեռնության ծրագրերի, ուսումնասիրությունների ու վերլուծությունների՝ մարդկային կապիտալի հիմքը: 

 

Մենք մեր ծրագրերն իրականացնելու ենք՝ առաջին հերթին հիմք ընդունելով մեր այն հայրենակիցների մասնագիտական որակներն ու հնարավորությունները, որոնց ինքնակենսագրությունները տեղ են գտել և գտնելու մեր էլեկտրոնային շտեմարանում: 

 

Ցանկացած ծրագիր կմեկնարկի, երբ՝

  • կուսումնասիրենք մեր հայրենակիցների ինքնակենսագրականները,

  • կխմբավորենք դրանք՝ ըստ մասնագիտության ու մասնագիտացման, աշխարհագրական տեղակայման վայրի, կրթական ցենզի կամ աստիճանի և աշխատափորձի։ 

 

Տվյալների շտեմարանում գրանցված մասնագետներից կազմվելու են ֆոկուս խմբեր, որոնք ոլորտային պատասխանատուների առաջնորդությամբ,  կամավորական սկզբունքով կատարելու են ուսումնասիրություններ, հետազոտություններ, վերլուծություններ, մշակելու են ռազմավարություն, կազմելու են իրագործման ճանապարհային քարտեզ։

vertical-panorama-banner-double-exposure